Өтініш қабылдау
Үміткерлерден өтініш қабылданады. Қатысу үшін өтініш формасын толтыру қажет.
Ресми хабарландыру
ХАБАРЛАНДЫРУ
«Нұр-Мүбарак» Египет ислам мәдениеті университеті
«Әйел-теологтардың кадрлық резервін қалыптастыруға бағытталған қосымша оқыту курсына» конкурстық іріктеу жариялайды!
КІМДЕР ҚАТЫСА АЛАДЫ?
«Нұр-Мүбарак» Египет ислам мәдениеті университетінің «Исламтану», «Дінтану» және «Теология» білім беру бағдарламалары бойынша бакалавриаттың және магистратураның бітіруші курсында білім алып жүрген студент қыздар шақырылады.
ҮМІТКЕРЛЕРДІ ІРІКТЕУ КЕЗЕҢДЕРІ:
Әңгімелесу
Өтініш берген үміткерлер іріктеу комиссиясының мүшелерімен әңгімелесуден өтеді. Әңгімелесу уақыты қосымша хабарланады.
Әңгімелесу барысында үміткердің кәсіби және тұлғалық құзыреттері, сондай-ақ дін саласындағы ақпараттық-түсіндіру, профилактикалық жұмыстарды жүргізуге бейімділігі бағаланады.
Әңгімелесу нәтижелері негізінде қосымша оқыту курсына қабылданатын қатысушылардың тізімі бекітіледі.
КУРС ҚАМТИТЫН НЕГІЗГІ ТАҚЫРЫПТАР:
- Дін саласындағы мемлекеттік саясаттың басым бағыттары;
- Діни қызмет саласындағы құқық қолдану практикасы;
- Деструктивті діни идеологиялардың таралуының қазіргі заманғы үрдістері;
- Ақпараттық-түсіндіру жұмыстарын жүргізу әдістемесі;
- Дағдарыстық коммуникация және психология негіздері;
- Цифрлық қауіпсіздік және медиасауаттылық;
- Көпшілік алдында сөз сөйлеу (шешендік өнер);
- Профилактикалық және оңалту жұмыстарының тиімді әдіс-тәсілдері.
ОҚЫТУ ФОРМАТЫ
Сабақтар офлайн форматта, екі аптада бір рет өткізіледі.
Сабақ кестесі қатысушыларға алдын ала ұсынылады.
Оқыту 2026 жылғы қазан – 2027 жылғы мамыр аралығында жүзеге асырылады.
Оқу процесіне дін саласында қызмет атқарып жүрген білікті практик мамандар мен сарапшылар тартылады.
КАДРЛЫҚ РЕЗЕРВТІҢ МАҢЫЗДЫЛЫҒЫ
Қосымша оқыту курсын толық аяқтаған қатысушылар қорытынды аттестаттауға жіберіледі.
Аттестациядан сәтті өткен тыңдаушыға ҚР МАМ Дін істері комитеті тарапынан тиісті сертификат беріледі және «Әйел-теологтардың кадрлық резервіне» енгізіліп,
ҚР МАМ Дін істері комитеті,
өңірлік Дін істері басқармалары,
ҚР ІІМ ҚАЖК/ҚАЖД түзету мекемелеріне,
оңалту және консультациялық орталықтарға,
ақпараттық-түсіндіру топтарына
кәсіби мамандар ретінде тартуға ұсынылатын болады.
Онлайн өтініш
Өтініш беру
«Нұр-Мубарак» Египет ислам мәдениеті университетінің проректоры
PhD доктор
Е. Оңғар мырзаға
«Әйел-теологтардың кадрлық резервін қалыптастыруға бағытталған қосымша оқыту курсына» қабылдауыңызды сұраймын.
Өтініш беру күні жүйеде автоматты түрде тіркеледі.